IShID jangarilari Suriya—Livan chegarasida “Hizbulloh”ga taslim bo‘lishni boshladi

IShID terrorchilik tashkilotining Suriya—Livan chegarasi yaqinidagi jangarilari kichik guruhlarga bo‘linib, “Zamrani” chegara-o‘tkazish punktida taslim bo‘lishni boshladi. Bu haqda, Livandagi “Hizbulloh” harakatiga asoslanib, “Kommersant” xabar bermoqda.

“Hizbulloh” vakilining so‘zlariga ko‘ra, terrorchilarning bir qismi “Hizbulloh” ixtiyorida, qolgan qismi ham qurolini tashlab, taslim bo‘lishga tayyor. Avvalroq “Hizbulloh” IShIDga qarshi bosqinda ishtirok etish istagi borligini bildirgan edi.

Eslatib o‘tamiz, IShID jangarilari Suriya va Iroqdagi jiddiy mag‘lubiyatlardan so‘ng, o‘zlari uchun nisbatan xavfsiz hududlarga, xususan, Livanga ko‘chib o‘tishni boshlagani haqida avvalroq xabarlar berilgan edi.

“Daryo”ning YouTube’dagi rasmiy sahifasiga obuna bo‘ling