Kataloniyadagi teraktlar qurbonlari soni 15 kishiga yetdi

Kataloniyadagi teraktlar qurbonlari soni 15 kishiga yetdi. Bu haqda avtonom hamjamiyat hukumatining ichki ishlar bo‘yicha maslahatchisi Joakim Forn ma’lum qildi, deya xabar beradi “TASS”.

Fornga ko‘ra, politsiya Barselona va Kambrilsdagi teraktlar va San-Just-Desvern aholi punktidagi mashinadan topilgan jasad o‘rtasida bog‘liqlikni aniqladi. Hujum uyushtirgan shaxs transport vositasi egasini o‘ldirgani taxmin qilinmoqda.

Terakt qurbonlarining 7 nafari ayol, 8 nafari erkak ekanligi bildirilmoqda. Ulardan 6 nafari Ispaniya, qolganlari Italiya, Portugaliya, Belgiya, AQSh, Kanada va Avstraliya fuqarolaridir.

“Daryo”ning YouTube’dagi rasmiy sahifasiga obuna bo‘ling