Finlyandiyada ikki noma’lum shaxs pichoq bilan qochqinga hujum qildi

Finlyandiyaning Vantaa shahrida ikki noma’lum shaxs qochqinga hujum qildi. Bu haqda “Interfaks” xabar bermoqda.

Aytilishicha, ular dastlab 20 yoshli qochqinga murojaat qilib, uning musulmon-musulmon emasligini so‘ragan, javobidan so‘ng esa pichoq bilan yaralagan.

Qochqinning politsiyaga bergan ko‘rsatmalarida aytilishicha, hujum qilganlardan biri finchada toza gapirgan, ikkinchisida esa estoncha talaffuz sezilgan.

Qochqin yengil jarohat olgan va qochib ketishga muvaffaq bo‘lgan.

Komissar Markku Xelenius ish “harakat bilan haqoratlash” jinoyat tarkibi bo‘yicha taftish qilinayotganini bildirib o‘tdi.

“Daryo” yangiliklarini Facebook’da kuzatib boring