Tomi va old oynasi yo‘q Lamborghini uchun 1,3 mln dollar to‘landi

RM Sotheby’s auksion uyining sotuvlarida tomi va old oynasi yo‘q noyob Lamborghini sotildi. Bu Concept S spidsteri Gallardo modeli bazasida qurilgan, deb xabar beradi Motor nashri.

200 kilometrdan kamroq masofa bosgan avtomobil uchun 1,32 million dollar to‘landi.

Dastavval konsept shou-kar sifatida o‘ylangan bo‘lib, hatto unga dvigatel o‘rnatilishi rejalashtirilmagan edi. Bunday avtomobil 2005-yili ko‘rsatilgan edi. Ammo keyinroq Italiya markasi bunday mashinalarni cheklangan adadda chiqarishga qaror qildi va V10 motorli prototip yaratdi.

Natijada Lamborghini baribir spidsterni seriyali chiqarishdan voz kechdi. Ushbu mashina dunyodagi birinchi va oxirgi namuna bo‘ldi.

“Daryo” yangiliklarini Facebook’da kuzatib boring