O‘zbekiston delegatsiyasi Bishkek shahrida Qor barsini saqlab qolish bo‘yicha bo‘lib o‘tadigan xalqaro forumda ishtirok etadi

O‘zbekiston Respublikasi Oliy Majlisi Qonunchilik palatasi Spikeri o‘rinbosari Boriy Alixanov boshchiligidagi delegatsiya 2017-yilning 25-avgust kuni Bishkek shahrida Qor barsi va uning ekotizimini saqlab qolish bo‘yicha xalqaro forum ishida ishtirok etadi. Bu haqda Tashqi ishlar vazirligi matbuot xizmati xabar berdi.

2013-yilda Qirg‘iziston prezidenti Almazbek Atamboyev Qor barsini saqlab qolish bo‘yicha birinchi Xalqaro forumni o‘tkazib, jamoatchilik va jahon hamjamiyati diqqatini ushbu mushuksimonlarning ekotizimini saqlab qolishga qaratgan edi.

“Daryo” yangiliklarini “Odnoklassniki”da kuzatib boring