Majburiy ijro byurosi xodimlariga xizmat mashinalari berildi

Joriy yilning 16-avgust kuni Bosh prokuratura huzuridagi Majburiy ijro byurosi Toshkent shahar boshqarmasining tuman bo‘limlari boshliqlariga xizmat avtomobillari va tumanlarda xizmat qilayotgan davlat inspektorlariga moped ulovlari topshirildi, deya xabar beradi “O‘zbekiston 24”.

Ushbu tadbirda Majburiy ijro byurosining direktori B.Qudratxodjayev, Toshkent shahar prokurori Sh.Obloqulov hamda Majburiy ijro byurosi Toshkent shahar boshqarmasi xodimlari va ommaviy axborot vositalari vakillari ishtirok etdi.

Tadbirda B.Qudratxodjayev Majburiy ijro byurosi Toshkent shahar boshqarmasining tuman bo‘limlari boshliqlariga byuroning logotipi tushirilgan Neksiya rusumli xizmat avtomobillarining va davlat inspektorlariga moped ulovlarining kalitlarini tantanali ravishda topshirdi.

“Daryo” yangiliklarini Facebook’da kuzatib boring