OAV: AQSh 4 mamlakat fuqarolariga nisbatan viza cheklovi joriy etishni rejalashtirmoqda

AQSh prezidenti Donald Tramp ma’muriyati 4 mamlakat fuqarolariga nisbatan viza cheklovi joriy etishni rejalashtirmoqda. Bu haqda mamlakat ichki xavfsizlik vazirligidagi manbaga tayanib, Fox News ma’lum qildi, deya xabar beradi “Kommersant”.

Telekanalga ko‘ra, mazkur farmoyish Davlat departamentiga yuborilgan. Cheklovlar AQShdan chiqarib yuborilgan fuqarolarni qabul qilishdan bosh tortayotgan davlatlarga nisbatan qo‘llanadi. Ularning nomi keltirilmagan.

Davlat departamenti ushbu hujjat olinganligini tasdiqlamadi, biroq inkor ham etmadi. Manba Davlat kotibi cheklovlar joriy etilayotgan mamlakatlar vakillari bilan muzokaralar olib borayotganini bildirdi.

“Daryo” yangiliklarini “Odnoklassniki”da kuzatib boring