Hindistonda nufuzli yetakchi hibsga olinganidan so‘ng boshlangan tartibsizliklarda 30 kishi halok bo‘ldi

Hindistonning Panchkul shahrida (Xaryana shtati) sud nufuzli diniy yetakchini izdosh ayollarni zo‘rlaganlikda aybdor deb topganidan so‘ng yuzaga kelgan tartibsizliklarda kamida 30 kishi halok bo‘ldi. Bu haqda “RIA Novosti” xabar bermoqda.

Hindustan Times nashriga ko‘ra, 29 kishi Panchkula shahrida, yana bir kishi Ram Rahimning qavmi joylashgan Sirsa shahrida halok bo‘ldi. Uning izdoshlari ko‘p bo‘lgan Panjob shtatida ham vaziyat notinch ekanligi aytilmoqda.

“Dera Sacha Saudra” qavmi yetakchisi Garmit Ram Rahim Singx 25-avgust, juma kuni ikki holat bo‘yicha zo‘rlashda aybdor deb topildi. U sud binosida hibsga olindi, shundan so‘ng sud yig‘ilishi o‘tkazilgan Panchkulda tartibsizliklar boshlandi.

Garmit Singxga nisbatan hukm 28-avgust, dushanba kuni e’lon qilinishi kutilmoqda.

“Daryo” yangiliklarini “Odnoklassniki”da kuzatib boring