Iordaniya yaqin orada Suriya bilan chegara ochilishiga umid qilmoqda

Iordaniya yaqin orada Suriya bilan chegara ochilishiga umid qilmoqda. Bu haqda axborot vaziri Muhammad No‘moniy ma’lum qildi, deb xabar beradi “RIA Novosti”.

“Suriya bilan munosabatlarimiz to‘g‘ri yo‘nalishda ketmoqda. Suriya janubida o‘t ochishni to‘xtatish haqidagi kelishuvga rioya etilmoqda, yaqin orada barqarorlik va xavfsizlikni ta’minlash bo‘yicha qo‘shimcha choralar ko‘rilishiga umil qilamiz. Agar  vaziyat shunday davom etsa, bu ikki davlat o‘rtasida nazorat-o‘tkazish punktlari yana ochishimizga imkon beradi”, — dedi vazir.

Ma’lumot uchun, Iordaniya AQSh va Rossiya bilan birgalikda Suriyaning mamlakat bilan chegarasidagi uch janubiy viloyatida o‘t ochishni to‘xtatish haqidagi kelishuvga rioya etilishining kafili hisoblanadi.

“Daryo” yangiliklarini “Odnoklassniki”da kuzatib boring