Yakkasaroy tumanida onasini kaltaklagan o‘g‘il yana sudlanadigan bo‘ldi

Yakkasaroy tuman IIB o‘tkazayotgan “Tozalash” tadbiri davomida HPB profilaktika inspektorlari tomonidan onasini kaltaklagan farzand qo‘lga olindi. Bu haqda “Daryo”ga IIV Huquqbuzarliklar profilaktikasi bosh boshqarmasi xabar berdi.

Yakkasaroy tumanida 18-avgust kuni soat 09”30 da Bobur ko‘chasi, 81/5-uyda, 1996-yili tug‘ilgan, muqaddam sudlangan S.V. o‘zaro janjal oqibatida onasi, 1976-yili tug‘ilgan xususiy tadbirkor B.Y.ni turli joylariga urib, tan jarohati yetkazgani aniqlanib, ushlandi.

S.V.ga nisbatan JKning 105-moddasi 1-qismi bilan jinoyat ishi qo‘zg‘atilgan.

“Daryo” yangiliklarini “Odnoklassniki”da kuzatib boring