Suriya armiyasi va “Hizbulloh” Livan chegarasida IShIDga qarshi o‘t ochishni to‘xtatdi

Suriya armiyasi va “Hizbulloh” harakati Livan chegarasida IShID bilan o‘t ochishni to‘xtatish haqida kelishib olganini ma’lum qildi. Bu haqda Al-Manar telekanali ma’lum qildi, deb xabar beradi “Gazeta.ru”.

“Hizbulloh” vakiliga ko‘ra, o‘t ochishni to‘xtatish tartibi 27-avgust, yakshanba soat 07:00 dan kuchga kirdi. O‘zaro kelishuvga muvofiq, Suriya va Livan chegarasidagi G‘arbiy Kalamun hududida IShIDga qarshi janglar to‘xtatilgan.

Eslatib o‘tamiz, oldinroq Livan armiyasi ham IShIDga qarshi jangovar harakatlarni to‘xtatgani, bunga asir olingan harbiy xizmatchilarni ozod qilish bo‘yicha olib borilayotgan muzokaralar sabab bo‘lganini bildirgandi.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.

“Daryo” yangiliklarini Facebook’da kuzatib boring