Fransiyalik aktrisa Mirey Dark 79 yoshida vafot etdi

Fransiyalik aktrisa Mirey Dark 28-avgust, dushanba kuni 79 yoshida vafot etdi. Bu haqda “TASS” xabar bermoqda.

Dark 1960-yili kinoda debyut qildi. 1969-yilda “Jef” filmini suratga olish jarayonida Alen Delon bilan uchrashdi va keyingi 13 yil davomida hayotini mashhur aktyor bilan bog‘ladi. 1983-yili ro‘y bergan avtohalokatda jiddiy jabrlangandi.

Mirey Dark 50 ta film, jumladan, rejissor Jorj Lotnerning 13 ta kartinasida suratga tushdi. U Pyer Rishar bosh qahramoni o‘ynagan “Qora botinkali novcha mallasoch kishi” komediyasidagi roli bilan tanilgandi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!