Misrda avtobus yuk mashinasi bilan to‘qnashdi, 14 kishi halok bo‘ldi

Misrda avtobus yuk mashinasi bilan to‘qnashdi va estakadan uning ostidagi yo‘lga quladi. Bu haqda “RBK” xabar bermoqda.

Qohira va Misr poytaxti janubida joylashgan Bani Sayf shahri o‘rtasida joylashgan yo‘lda ro‘y bergan hodisa oqibatida 14 kishi halok bo‘ldi, 42 kishi jabrlandi.

Ulardan 3 kishi kasalxonaning intensiv terapiya bo‘limiga yotqizildi.

Avtobusda jami 62 kishi bo‘lgani bildirilmoqda.

“Daryo”ning YouTube’dagi rasmiy sahifasiga obuna bo‘ling