Turkmanistonda mamlakat prezidentining otasi sharafiga medal ta’sis etildi

Turkmanistonda mamlakat prezidenti Gurbanguli Berdimuhamedovning otasi — Malikguli Berdimuhamedov sharafiga medal ta’sis etildi. Bu haqda “Xronika Turkmenistana” resursi ma’lum qildi.

Mamlakatning bir palatali parlamenti a’zolari mazkur qarorni bir ovozdan yoqladi.

12-avgust kuni davlat rahbari jamoatchilik e’tiboriga otasining ichki ishlar organlaridagi faoliyatiga bag‘ishlangan kitobini taqdim etgan edi.

2016-yil dekabrida mamlakat o‘rta maktablarida Berdimuhamedovning “Donolik manbai” kitobidan iqtiboslar ishlatish majburiyati belgilangan edi. Maktabdagi turkman adabiyoti dasturiga, shuningdek, amaldagi prezidentning bir qancha kitoblari kiritilgan.

“Daryo”ning YouTube’dagi rasmiy sahifasiga obuna bo‘ling