Tayvanda “o‘zga sayyoralik mavjudot” aniqlandi (video)

Daily Mirror nashri tomonidan e’lon qilingan videoda noma’lum umurtqasiz organizmni ko‘rish mumkin. Tayvaning Sinchju shahrida topilgan mavjudotni Huang Meylan ismli ayol tasvirga olgan. Ayolning so‘zlariga ko‘ra, u hech qachon bunga o‘xshash narsani ko‘rmagan.

Meylan videoni ijtimoiy tarmoqlarga joylashtirgan va foydalanuvchilardan jonzotning turini aniqlashda yordam so‘ragan. Ko‘pchilik hayvonni mutant yoki hayotning o‘zga sayyoradagi shakli, deb hisoblagan.

Biroq boshqalarning taxmin qilishicha, bu uzunligi 30 — 40 santimetrga yetadigan bir-biriga o‘ralib qolgan parazit qurtlar. Ko‘payish vaqtida ko‘plab qurtlar bir-biriga bog‘lanib qolib shunday shakl hosil qilishi mumkin.

“Daryo” yangiliklarini Facebook’da kuzatib boring