Afg‘oniston: IShIDning to‘rt nafar o‘zbekistonlik a’zosi bomba tayyorlash vaqtida portlab ketdi

IShID terrorchilik tashkilotining to‘rt nafar o‘zbekistonlik a’zosi o‘zlarining portlovchi moddalari oqibatida Afg‘onistonning Jo‘zjon viloyatida halok bo‘ldi. Bu haqda Khaama Press axborot agentligiga asoslanib, “Karvansaray” ma’lum qildi, deb xabar berdi “1news.uz”.

“Qo‘shtepa tumanida jangarilar tomonidan tayyorlanayotgan bomba muddatidan oldin portlab ketgan”, — deya ma’lum qildi tuman rahbari Aminulloh Amin. U halok bo‘lgan to‘rt nafar jangarilarning barchasi o‘zbekistonlik ekanligini ta’kidladi.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.

“Daryo” yangiliklarini “Odnoklassniki”da kuzatib boring