“Uralskiye avialinii” kompaniyasi Sankt-Peterburg –Namangan reyslarini ochadi

Rossiyaning “Uralskiye avialinii” aviakompaniyasi 13-sentabrdan Sankt-Peterburgdan Namanganga to‘g‘ridan-to‘g‘ri reyslarni amalga oshira boshlaydi. Bu haqda UzDaily xabar bermoqda.

Aviakompaniya ma’lumotlariga qaraganda, Namangan reyslari Sankt-Peterburgning “Pulkovo” aeroportidan haftasiga bir marta amalga oshiriladi. Reyslar Airbus 320 laynerlarida amalga oshiriladi.

Ayni paytda “Pulkovo”dan Andijon, Buxoro, Samarqand, Toshkent, Termiz, Urganch, Farg‘ona shaharlariga to‘g‘ridan-to‘g‘ri reyslar amalga oshiriladi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!