Yamandagi toshqinda 18 kishi halok bo‘ldi

Yamanda tinmayotgan yog‘ingarchilik oqibatida kelib chiqqan toshqinda 18 kishi halok bo‘ldi. Bu haqda, hukumatning Saba agentligiga tayanib, “RIA Novosti” xabar bermoqda.

Tabiiy ofat mamlakat janubidagi Lahj viloyatining al-Muqatara tumanida nazorat ostidan chiqdi.

“Suv oqimlari o‘nlab transport vositalarini ag‘darib tashladi, 18 kishi halok bo‘ldi”, — ma’lum qildi mahalliy qutqaruv xizmati vakili.

O‘n kishining tanasi topildi. Qolgan tanalar qidiruvi davom etmoqda.

“Daryo” yangiliklarini Facebook’da kuzatib boring