“Xarvi” to‘foni 500 mingta avtomobilni yaroqsiz holga keltirdi

AQShda “Xarvi” to‘foni sababli qariyb 500 mingta avtomobil metallolomga yo‘l oldi. Bular qatoriga suv ostida qolgan va qayta tiklab bo‘lmaydigan barcha avtomobillar kirgan. Bu haqda “Motor” xabar berdi.

“Xarvi” to‘foni 2012-yilning oktabr oyida Nyu-York va Nyu-Jersida yuz bergan “Sendi” to‘fonidan ko‘ra ko‘proq talofot keltirdi. O‘shanda taxminan 250 mingta avtomobil zarar ko‘rgan edi.

Ekspertlar barcha mashinalar ham metallolomga ketmasligini taxmin qilmoqda. Ko‘plab mashinlarni qayta tiklab, ikkilamchi bozorda sotish mumkin bo‘ladi. Bu AQShda odatiy hol bo‘lib, bunda xaridor avtomobilning butun tarixi haqida ogohlantirilishi kerak.

“Daryo” yangiliklarini Facebook’da kuzatib boring