Braziliyadagi YTHda o‘nlab mashinalar yonib ketdi: qurbonlar bor

Braziliyada 36 ta avtomobil ishtirokida katta ko‘lamli yo‘l-transport hodisasi yuz berdi, deb yozadi “Sinxua”. Kamida ikki kishi halok bo‘ldi, yana 20 kishi jarohat oldi.

Hodisa Jakareya aholi punktida, San-Paulu va Rio-de-Janeyroni bog‘lovchi trassada yuz berdi.

Mashinalar yong‘indan so‘ng hosil bo‘lgan tutun ichida to‘qnashib ketgan. Dastlabki ma’lumotlarga ko‘ra, bo‘yoq ortilgan yuk mashinasi halokatga uchragan va yonib ketgan. Yetarlicha ko‘rinmaslik sharoitida yana o‘nlab to‘qnashuvlar kelib chiqqan. Avtomobillarning ko‘pchiligi batamom yonib kul bo‘lgan.

Qutqaruvchilar alangani qariyb ikki soat davomida o‘chirdi.

“Daryo” yangiliklarini “Odnoklassniki”da kuzatib boring