Va nihoyat Ignatiy Nesterov asosiy tarkibda. Babayan Xitoyga qarshi tarkibni e’lon qildi

O‘zbekiston milliy terma jamoasining Xitoyga qarshi harakat qiladigan tarkibi aniq bo‘ldi. Bu haqda O‘FF matbuot xizmati xabar berdi.

Uzoq tanaffusdan so‘ng milliy terma jamoa darvozasini Ignatiy Nesterov egallaydi. Himoya qanotlaridan Vitaliy Denisov va Islom To‘xtaxo‘jayev joy oldi. Markazda esa Xitoy Super Ligasida to‘p suradigan Anzur Ismoilov va Yegor Krimets harakat qiladi.

Markaz Odil Ahmedov, Otabek Shukurov, Server Jeparovga ishonildi. Ularning ikki chetida Marat Bikmayev va Eldor Shomurodov bor. Hujumchi Igor Sergeyev.

Aziz Haydarov, Fozil Musayev, Sardor Rashidov, Temurxo‘ja Abduxoliqov kabi futbolchilar zaxirada qoldi.

“Daryo”ning YouTube’dagi rasmiy sahifasiga obuna bo‘ling