Iroq bosh vaziri Tall-Afarda IShID ustida g‘alaba qozonilganini bildirdi

Iroq bosh vaziri Haydar al-Abadiy hukumat qo‘shinlari Naynava viloyatidagi Tall-Afar shahrida IShID jangarilari ustidan g‘alaba qozonilganini bildirdi. Bu haqda “Gazeta.ru” xabar bermoqda.

“Tall-Afar ozod qilindi. Biz IShID jangarilariga, qayerda bo‘lsangiz ham, ortingizdan kelamiz, taslim bo‘lish yoki o‘lishdan boshqa tanlovingiz bo‘lmaydi, deymiz”, — ma’lum qildi hukumat rahbari.

Bir muddat ilgari Iroqning Rossiyadagi elchisi Haydar Xodiy mamlakat ikki oy ichida IShIDdan to‘liq ozod qilinishini bildirgan edi.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.

“Daryo” yangiliklarini Facebook’da kuzatib boring