Iskandar Mahmudovning kompaniyasi chiqindilarni qayta ishlash bilan shug‘ullanadi

Ural tog‘-metallurgiya kombinati egalari Iskandar Mahmudov va Andrey Bokarevga tegishli kompaniya Vladimir viloyatida, Moskva viloyati bilan chegarada chiqindini qayta ishlash tajriba stansiyasi qurishni rejalashtirmoqda. Bu haqda “RBK” xabar bermoqda.

Obyekt maydoni 57 gektarni tashkil etadi. Bu yerda ma’muriy bino, yong‘inni o‘chirish havzalari, tozalash inshootlari joylashadi.

Stansiya umumiy maydoni 1,2 ming gektar bo‘lgan hududda quriladi. Loyiha doirasida chiqindini qayta ishlash zavodi ham ishga tushirilishi aytilmoqda. Mahalliy aholi axlattepaning paydo bo‘lishi va Moskva ekologiyasiga ziyon yetishidan xavotir olmoqda.

Chiqindilar qayerdan va qancha miqdorda keltirilishi hozircha muhokama qilinmoqda. Mahalliy aholi va bog‘ egalari yig‘ilishida chiqindilar Moskva shahri va viloyati, shuningdek, Vladimir viloyatidan keltirilishi bildirilgan.

“Daryo”ning Telegram’dagi rasmiy kanali — @toshqindaryo’ga a’zo bo‘ling!