Keniyada muxolifat nomzodi talabi bilan prezidentlik saylovlari natijalari bekor qilindi

Keniyada qayta prezidentlik saylovlari bo‘lib o‘tadi. Mamlakat Oliy sudi muxolifat nomzodi Rayla Odinga shikoyati tufayli shunday qaror qabul qildi: u natijalar soxtalashtirilgan deb topdi va sudga murojaat etdi, deya xabar beradi CNN.

Muxolifat nomzodining talabini 6 nafar sudyadan 4 nafari qo‘llab-quvvatladi.

“Prezidentlik saylovlari konstitutsiyaga muvofiq o‘tmadi, shu sababli e’lon qilingan natijalar haqiqiy emas”, — ma’lum qildi sud raisi Devid Maraga.

Qayta saylovlar 60 kun ichida o‘tkazilishi lozim.

Keniyada prezidentlik saylovlari natijalari 8-avgustda e’lon qilindi va ommaviy tartibsizliklarga sabab bo‘ldi. Markaziy saylov komissiyasi ularda amaldagi davlat rahbari Uxuru Keniata g‘alaba qozonganini bildirgandi.

“Daryo” yangiliklarini Facebook’da kuzatib boring