OAV: Britaniya bosh vaziri Brexit uchun 50 mlrd yevro to‘lashga tayyor

Buyuk Britaniya bosh vaziri Tereza Mey Konservativ partiyaning oktabrda bo‘lib o‘tadigan syezdidan so‘ng qirollik Yevroittifoqdan chiqishi uchun to‘lanadigan summa 50 milliard funtgacha (54 milliard yevro) ko‘paytirilishini ma’qullashi mumkin. Bu haqda “TASS” xabar berdi.

The Sunday Times nashri hukumat rahbari shu tariqa Yevroittifoq bilan savdo muzokaralarini rag‘batlantirish niyatida ekanligini bildirdi.

“Biz yakuniy hisob-kitob 20 dan 30 milliard funtgacha borishini mo‘ljallagandik, biroq endi u 50 milliard funtga yaqinlashdi”, — ma’lum qildi Meyga yaqin manba.

Manbaga ko‘ra, bosh vazir Konservativ partiya parlamentdagi ko‘pchilikni boy berganidan so‘ng Britaniyaning muzokaralar jarayonidagi mavqeyi pasaygani tufayli bunga tayyor bo‘lib turibdi.

“Daryo” yangiliklarini Facebook’da kuzatib boring