Panasonic o‘zi yegulik keltirib beradigan kelajak sovitgichini taqdim etdi

Panasonic kompaniyasi Berlindagi IFA ko‘rgazmasida ovoz yordamida chaqirish mumkin bo‘lgan sovitgich robotni taqdim etdi, deb yozadi “Hi-tech.mail.ru”.

“Aqlli” sovitgich changyutgich robot tamoyili bo‘yicha ishlaydi: u xonani sensorlar yordamida o‘rganib chiqadi va barcha mumkin bo‘lgan yo‘nalishlarni aniqlaydi. U doimo kutish rejimida turadi va uyda yashovchilarning ovozli buyrug‘iga shay bo‘lib turadi. Masalan, “Sovitgich, bu yoqqa kel” degan buyruqni eshitishi bilan, o‘z stansiyasidan chiqib, egasining yoniga boradi.

Ammo kompaniya bunday sovitgichni barcha uchun qachon ishlab chiqarishni boshlashini hozircha aniq bilmaydi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!