KXDR yadro sinovi Xitoyda radiatsiya foni oshishiga olib kelmagani bildirildi

Pxenyan tomonidan 3-sentabr, yakshanba kuni o‘tkazilgan yadro sinovi Xitoyda radiatsiya foni oshishiga olib kelmadi. Bu haqda Xitoy markaziy televideniyesi ma’lum qildi, deya xabar beradi “TASS”.

“Monitoring natijalari KXDR yadro sinovi hozirda atrof-muhit va aholiga ta’sir etmayotganligini ko‘rsatdi”, — deyiladi xabarda.

Shimoliy Koreyaning hisob bo‘yicha oltinchi yadro sinovidan so‘ng Xitoy seysmologiya markazi 3-sentabr kuni 6,3 va 4,6 magnitudali ikki zilzilani qayd etdi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!