O‘zbekiston mobil aloqa operatorlari 5-sentabrdan tariflarni so‘mda belgilaydi. Narxlar oshmaydi
O‘zbekiston mobil operatorlari va internet provayderlari 5-sentabrdan o‘z xizmatlarni so‘mda tariflashni boshlaydi. Bu haqda, telekommunitasiya kompaniyalaridagi manbalariga asoslanib, “Gazeta.uz” xabar berdi.
So‘mga o‘tish O‘zbekiston Prezidentining 2-sentabrdagi “Pul-kredit siyosatini liberallashtirishning ustuvor chora-tadbirlari to‘g‘risida”gi qaroriga asosan yuz bermoqda.
Ushbu qarorga muvofiq, endi O‘zbekistonda tovarlar, ishlar va xizmatlar uchun narxlar va tariflar faqat milliy valyuta — so‘mda belgilanadi.
Axborot texnologiyalari va kommunikatsiyalarini rivojlantirish vazirligida 4-sentabr kuni aloqa operatorlar va internet-provayderlar ishtirokida yig‘ilish bo‘lib o‘tgan.
Yig‘ilishda AQSh dollarida ko‘rsatilgan tariflarni qayta hisoblashda Markaziy bank tomonidan 29-avgust kuni o‘rnatilgan va 4-sentabr kuni haqiqiy hisoblangan qiymat — 4210,35 so‘m asos qilib olinishi haqida qaror qabul qilingan.
“Daryo” yangiliklarini Facebook’da kuzatib boring
Добавить комментарий!
- отсутствуют