Ilgizar Sobirov Xorazm viloyati hokimi vazifasini bajaruvchi etib tayinlandi

Xorazm viloyati rahbari o‘zgardi. “Gazeta.uz” xabariga ko‘ra, Ilgizar Sobirov viloyat hokimi vazifasini bajaruvchi etib tayinlangan.

Ilgizar Sobirov Xorazm viloyati rahbari lavozimida Po‘lat Bobojonovni almashtirdi. Avvalroq Po‘lat Bobojonov O‘zbekiston ichki ishlar vaziri etib tayinlangani haqida xabar berilgan edi.

Mavzuga doir: Po‘lat Bobojonov O‘zbekiston ichki ishlar vaziri etib tayinlandi

1959-yilda tug‘ilgan Ilgizar Sobirov 2003—2005-yillarda Xorazm viloyati Qo‘shko‘pir tumaniga hokimlik qilgan. 2005-yili Oliy Majlis Senatiga saylangan. 2006-yili Senat raisi etib saylanib, 2015-yilga qadar (ikki muddat) shu lavozimda ishlagan.

“Daryo”ning Telegram’dagi rasmiy kanali — @toshqindaryo’ga a’zo bo‘ling!