Nazarboyevning qizi Senat qo‘mitasi raisi lavozimini saqlab qoldi

Qozog‘iston prezidenti Nursulton Nazarboyevning qizi Darig‘a Nazarboyeva mamlakat Senatining xalqaro munosabatlar, mudofaa va xavfsizlik masalalari qo‘mitasi raisi etib qaytadan saylandi. Bu haqda “TASS” xabar bermoqda.

Senat raisi Qosim-Jo‘mart To‘qayevning so‘zlariga qaraganda, ochiq ovoz berish palataning plenar yig‘ilishida bo‘lib o‘tgan.

Ovoz berish yakunlariga ko‘ra boshqa qo‘mitalar raislari ham saylangan. Jumladan, konstitutsion qonunchilik, sud tizimi va huquq-tartibot organlari bo‘yicha qo‘mita raisi etib Olga Perepechina, iqtisodiy siyosat, innovatsion rivojlanish va tadbirkorlik bo‘yicha qo‘mita raisi etib Asqar Beysenboyev, ijtimoiy-madaniy rivojlanish va fan qo‘mitasi raisi etib Birg‘anim Aytimova saylangan.

“Daryo”ning YouTube’dagi rasmiy sahifasiga obuna bo‘ling