Shahzoda Uilyam va Keyt Middlton uchinchi marta farzandli bo‘ladi

Kensington saroyi rasmiylari shahzoda Uilyam va Keyt Middlton uchinchi farzandini kutayotganini ma’lum qildi. Bu haqda “Gazeta.ru” xabar bermoqda.

“Kembirj gersogi va gersoginyasi uchinchi farzandini kutayotganini e’lon qilishdan mamnun”, — deyiladi saroyning Twitter’dagi rasmiy sahifasida e’lon qilingan xabarda.

Aytilishicha, Keyt toksikozga chalingani bois rasmiy tadbirlarda ishtirok etmay turadi.

Keyt va Uilyamning o‘g‘li shahzoda Jorj 4 yoshda, qizi malika Sharlotta esa 2 yoshda.

“Daryo”ning Telegram’dagi rasmiy kanali — @toshqindaryo’ga a’zo bo‘ling!