Foto: Los-Anjeles tarixidagi eng katta o‘rmon yong‘ini

Kaliforniya gubernatori 1-sentabrda La Tuna Kanon parkida boshlangan o‘rmon yong‘ini sababli Los-Anjeles okrugida favqulodda holat joriy qildi. Yong‘in sababli avtomagistrallar va kichik yo‘llar yopilgan, 700 dan ortiq uyda yashovchi aholi evakuatsiya qilingan. Bu haqda TJournal xabar berdi.

Los-Anjeles meri Erik Garsettining ma’lum qilishicha, yong‘in boshlanganidan buyon uning egallagan hududi besh ming akrgacha yetgan. Yong‘in maydoni bo‘yicha okrug tarixidagi eng kattasi sifatida qayd etilgan.

Yong‘inni o‘chirishga mingdan ortiq o‘t o‘chiruvchi jalb qilingan. Ular yong‘inga qarshi qiya va notekis joylarda kurashishiga to‘g’ri kelmoqda.

“Daryo”ning YouTube’dagi rasmiy sahifasiga obuna bo‘ling