Toshkentda 3-sentabr kuni 5 ta YTH yuz berdi

Toshkent shahri hududida 2017-yilning 3-sentabr kuni 5 ta yo‘l-transport hodisasi qayd etilgan. Mazkur yo‘l-transport hodisalarida 5 nafar shaxs tan jarohati olgan, bir kishi vafot etgan. Bu haqda Toshkent shahar IIBB xabar berdi.

YPX inspektorlari tomonidan 3-sentabr kuni jami 1898 ta huquqbuzarlik bo‘yicha ma’muriy bayonnomalar rasmiylashtirilgan. Ulardan 444 tasini qo‘pol turdagi, 27 tasini mast holda transport vositasini boshqarish tashkil etgan.

Toshkent shahar IIBB YHXB kompyuterlashtirilgan boshqaruv tizimi tomonidan 3-sentabr kuni jami 705 ta huquqbuzarliklar qayd etilgan bo‘lib, shulardan 379 tasini svetoforning taqiqlovchi chirog‘iga bo‘ysunmasdan harakatlanish, 326 tasini belgilangan me’yordan yuqori tezlikda harakatlanish tashkil etgan.

“Daryo”ning YouTube’dagi rasmiy sahifasiga obuna bo‘ling