Oq Uy Obama tomonidan joriy etilgan noqonuniy muhojirlarni deportatsiyadan himoyalash dasturini bekor qildi

AQSh bosh prokurori Jeff Seshns prezident Donald Tramp ma’muriyati Obama tomonidan joriy etilgan, “Orzumandlar” (Dreamers) yoki DACA deb ataladigan dasturni bekor qilganini bildirdi. Bu haqda “Gazeta.ru” xabar bermoqda.

Ushbu dastur doirasida AQSh hududiga bolaligida noqonuniy kirgan muhojirlar deportatsiyadan himoya qilinar edi.

“Men bugun bu yerda Obama ma’muriyati tomonidan joriy etilgan, DACA nomi bilan mashhur dastur bekor qilinganini ma’lum qilish uchun turibman”, — dedi Seshns.

“Daryo”ning YouTube’dagi rasmiy sahifasiga obuna bo‘ling