Ulan-Ude sudi o‘zbekistonlik chorva o‘g‘rilarining hibsda tutilish muddatini uzaytirdi

Rossiyaning Buryatiya respublikasi markazi — Ulan-Ude sudi to‘rt nafar O‘zbekiston fuqarosining hibsda tutib turish muddatini 2017-yil noyabrigacha uzaytirdi. Bu haqda “Teleinform” agentligi ma’lum qildi.

Aytilishicha, Ergashev, Shukraliyev va Ahmadaliyev familiyali shaxslar Ulan-Ude hamda respublika tumanlarida 11 marta chorva o‘g‘irlashda ayblanmoqda. Ularning yana bir sherigi ilgariroq hibsga hukm qilingan edi.

2017-yilning mart–may oylarida qator tumanlarda chorva o‘g‘riligi holatlari qayd qilingan edi. Gap o‘nlab qo‘ylar va mollar haqida ketmoqda.

Ayblanuvchilar apellyatsiya shikoyatini kiritgan. Shikoyat qachon ko‘rib chiqilishi noma’lum.

“Daryo”ning YouTube’dagi rasmiy sahifasiga obuna bo‘ling