Putin Janubiy Koreya rahbariga KXDRga qarshi sanksiyalar befoydaligini aytdi

Rossiya prezidenti Vladimir Putin Janubiy Koreya yetakchisi Mun Chje In bilan suhbatda o‘zining KXDR masalasiga bo‘lgan munosabatini aytib o‘tdi. Bu haqda “TASS” xabar bermoqda.

Jumladan, Vladimir Putin Shimoliy Koreyaga qarshi sanksiyalar befoydaligini ta’kidlab o‘tdi. OAVda aytilishicha, KXDRga neft va neft mahsulotlarini yetkazib berish masalasida ikki davlat yetakchisining fikri boshqa-boshqa joydan chiqqan.

Shunga qaramay, Kreml rasmiy vakili Dmitriy Peskov bergan axborotga ko‘ra, Mun Chje In Koreya yarim orolida barqarorlik o‘rnatilishiga hamda Shimoliy Koreya Rossiya–Janubiy Koreya loyihalarida ishtirok etishiga umid bildirgan.

“Daryo” yangiliklarini Facebook’da kuzatib boring