O‘z do‘stini qutqarishga uringan kichik qahramonlar ko‘lga cho‘kib ketdi

Birlashgan Arab Amirliklarining Abu-Dabi shahrida uch nafar yosh bola bir o‘rtog‘ini qutqarmoqchi bo‘lib, fermadagi ko‘lga cho‘kib ketdi, deb yozadi UAE Inside. Ularning ikki nafari aka-uka bo‘lgan.

Jabrlanuvchilarning ota-onalari so‘zlariga ko‘ra, bolalar Al Bahia tumanidagi fermada katta ko‘l yonida o‘ynagan. Ulardan biri ko‘lga juda yaqin kelgan va oyog‘i sirpanib, suvga tushib ketgan.

Suv havzasi chuqurligi 1,5 metrga, uzunligi 30 metrga, kengligi esa 10 metrga teng bo‘lgan. 10, 11 va 12 yoshli bolalar do‘sti cho‘kib ketayotganini ko‘rgach, uni qutqarish uchun birma-bir uning ortidan ko‘lga tusha boshlagan.

Qutqaruvchilar qisqa muddatda yetib kelib, birinchi yordamni ko‘rsatganiga qaramay, bolalar o‘zlari zudlik bilan yetkazilgan kasalxonada vafot etdi.

“Daryo” yangiliklarini “Odnoklassniki”da kuzatib boring