Edison Vestingauzga qarshi: “Toklar jangi” tarixiy dramasining treyleri chiqdi

Internetda bosh rolni Benedikt Kamberbetch ijro etgan “Toklar jangi” tarixiy dramasining ilk treyleri paydo bo‘ldi. Bu haqda Meduza xabar bermoqda.

Tarixiy-biografik kartina ikki buyuk kashfiyotchi — Tomas Edison va Jorj Vestingauzning qarama-qarshiligi haqida hikoya qiladi. Edison doimiy tokni, Vestingauz esa o‘zgaruvchan tokni tarqatish kerak deb hisoblar edi.

Kamberbetchdan tashqari (u Edison rolini ijro etdi), filmda Nikolas Xolt, Tom Xolland va Ketrin Uoterston qatnashdi. Rejissor — Alfonso Gomes-Rexon. Prodyuser — Timur Bekmambetov.

Film premyerasi 9-sentabr kuni Torontodagi xalqaro kinofestivalda bo‘lib o‘tadi.

“Daryo” yangiliklarini Facebook’da kuzatib boring