WSJ: Apple iPhone 8 taqchilligiga duch keladi
Apple va uning hamkorlari taqdimoti 12-sentabrga mo‘ljallangan yangi iPhone’ni ishlab chiqarishda muammolarga duch keldi. Shu tufayli korporatsiya va iste’molchilar smartfon taqchilligiga duch kelishi mumkin. Bu haqda, The Wall Street Journal nashriga asoslanib, Insider Pro ma’lum qildi.
Yangi iPhone 8 ni yig‘ishdagi qiyinchiliklar oqibati mana shunday yakunlanishi mumkin. Bu muammolar tufayli gadjet ishlab chiqarilishi grafigi bir oyga surildi. Apple’ning sherigi — Foxconn xodimlarga zavodga yangi odamlarni jalb qilgani uchun bonuslar to‘lay boshladi. Bu ishlab chiqarish jarayonini tezlashtirish uchun zarur edi.
Shu tariqa, ishlab chiqarish jarayonidagi uzilishlar smartfonlar yetarli miqdorda yetkazilishida muammolarni keltirib chiqarishi mumkinligi taxmin qilinmoqda.
“Daryo”ning Telegram’dagi rasmiy kanali — @toshqindaryo’ga a’zo bo‘ling!