Futbol murabbiyi sehrli qobiliyati bilan hammani lol qoldirdi (video)

Angliyaning ikkinchi futbol ligasida o‘ynovchi “Ekseter-Siti” jamoasi murabbiyi Mett Teylorni ijtimoiy tarmoqlar foydalanuvchilari sehrgar deb atamoqda. Bunga murabbiy aks etgan gif tasvir sabab bo‘ldi. Tasvir jamoaning Twitter’dagi sahifasiga joylangan.

? | Matt Taylor: Defensive coach and magician… #ECFC pic.twitter.com/Wb99fy55jc

— Exeter City FC (@OfficialECFC) September 6, 2017

Murabbiy jamoa kanaliga intervyu berayotgan vaqtda pashshani haydagan, o‘sha vaqtda stadionda chiroq o‘chirilgan. Shu sababli xuddi Teylor orqasida turgan projektorni o‘zi o‘chirgandek taassurot uyg‘ongan.

Ijtimoiy tarmoq foydalanuvchilari murabbiyda noodatiy qobiliyat borligi haqida gapirgan. Shuningdek, foydalanuvchilar bu qanday sehrgarlik ekanligiga ham qiziqqan.

“Daryo”ning YouTube’dagi rasmiy sahifasiga obuna bo‘ling