Meksikada 100 yil davomida qayd etilgan eng kuchli zilzila qurbonlari xotirasiga 3 kunlik motam e’lon qilindi

Meksika prezidenti Enrike Penya Nyeto mamlakatda yuz bergan zilzila qurbonlari xotirasiga 8-sentabr, juma kunidan boshlab 3 kunlik motam e’lon qildi. Bu haqda “RIA Novosti” xabar bermoqda. 

8,2 magnitudali zilzila 8-sentabr kuni Tinch okeanining Meksika sohillari yaqinida sodir bo‘lgan edi. Uning epimarkazi mamlakat janubi-g‘arbidagi Tres-Pikos aholi punktidan 119 kilometr uzoqlikda joylashdi.

Mamlakatda so‘nggi 100 yil davomida qayd etilgan eng kuchli yer silkinishi oqibatida halok bo‘lganlar soni 58 kishiga yetdi.

“Daryo” yangiliklarini “Odnoklassniki”da kuzatib boring