Dubayda ko‘chmas mulkni bitkoin evaziga xarid qilish imkoniyati yaratiladi

Bosh ofisi Men orolida (Irlandiya) joylashgan The Knox kompaniyalar guruhi Dubayda ko‘chmas mulkni bitkoin valyutasiga sotish bilan shug‘ullanadigan kompaniya tuzilishi va unga 300 million dollardan oshiq investitsiya kiritilishini ma’lum qildi. Bu haqda UAE Inside xabar bermoqda.

The Knox amirlikda bir necha turar-joy va savdo markazi qurishni rejalashtirgan. Ularda to‘lov sifatida kriptovalyuta qabul qilinishi bildirilmoqda.

Dubaydagi loyiha yangi valyuta rivojlanishi uchun kuchli turtki sifatida ko‘rilmoqda. Bitkoin qiymati esa 4870 dollarni tashkil etib, joriy yildagi yangi rekordni qayd etdi.

“Daryo” yangiliklarini “Odnoklassniki”da kuzatib boring