“O‘zbekiston temir yo‘llari” chiptalar narxi oshmasligini ma’lum qildi

O‘zbekiston Respublikasi Prezidentining 2017-yil 2-sentabrdagi Farmoniga binoan, “O‘zbekiston temir yo‘llari” AJ O‘zbekiston Respublikasi rezident va norezidentlari uchun safar hujjatlari (chiptalar)ni xarid qilish 2017-yil 29-avgust holatga ko‘ra o‘zgarishsiz qolishini ma’lum qildi.

“Jahon hamjamiyatining amaliyotida temir yo‘l tizimida yuk va yo‘lovchi tashish xizmatlarini ayrboshlash jarayoni Shveysariya franki asosida amalga oshiriladi. Shu bois mamlakatimizda valyuta siyosatining liberallashtirilishi safar hujjatlari (chiptalar)ning narx-navosiga hech qanday ta’sir ko‘rsatmaydi”, — deyiladi kompaniya xabarida.

Qo‘shimcha ma’lumot olish uchun qisqa 1005 telefon raqamiga qo‘ng‘iroq qilishingiz mumkin.

“Daryo” yangiliklarini “Odnoklassniki”da kuzatib boring