Qodirov Peterburgda namoyishchilar qo‘lga olingach, Myanmadagi musulmonlarni qo‘llab-quvvatlab miting o‘tkazmaslikni so‘radi

Checheniston rahbari Ramzan Qodirov yangi mitinglarni o‘tkazish uchun hozir zarurat yo‘qligini, chunki Myanmadagi muammoga shundoq ham diqqat qaratilayotganini aytdi, deb yozadi TJournal uning Instagram’iga tayanib.

Qodirov ta’kidlashicha, agar mitinglar kerak bo‘lganida, u Grozniydagi markaziy maydonni ajratib, “zarur sharoitlarni yaratgan” bo‘lardi.

Shuningdek, Checheniston rahbari musulmonlarga murojaat qilib, “kimningdir tashviqoti ta’siriga berilmaslikni va o‘zini kimningdir manfaatlari yo‘lida qo‘llashlariga yo‘l qo‘ymaslik”ni so‘radi.

Nashr eslatishicha, 10-sentabr kuni Sankt-Peterburgda Myanmadagi musulmonlarni qo‘llab-quvvatlab, hukumat ruxsatisiz miting bo‘lib o‘tdi. Aksiyaning 200 ishtirokchisidan 130 nafari politsiya tomonidan qo‘lga olindi.

“Daryo” yangiliklarini Facebook’da kuzatib boring