Sinaydagi terakt qurbonlari soni 18 kishiga yetdi

Misrning Sinay yarim orolida uyushtirilgan terakt qurbonlari soni 18 kishiga yetdi. Bu haqda “RIA Novosti” xabar bermoqda.

Muqaddam besh qurbon va o‘n yarador haqida ma’lum qilingan edi.

Voqea Shimoliy Sinay viloyati ma’muriy markazi al-Arish shahriga eltadigan yo‘lda ro‘y berdi. Radikallar pistirma uyushtirib, politsiyachilar ketayotgan mashinaga hujum qildi.

IShID terrorchilik tashkiloti hujum uchun javobgarlikni o‘z zimmasiga oldi.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.

“Daryo”ning Telegram’dagi rasmiy kanali — @toshqindaryo’ga a’zo bo‘ling!