Yoshlar ittifoqi hamda ma’naviyat va ma’rifat markazi o‘rtasida memorandum imzolandi
Yoshlar ijod saroyida O‘zbekiston Yoshlar ittifoqi hamda Ma’naviyat va ma’rifat markazi o‘rtasida anglashuv memorandumi imzolandi. Bu haqda “O‘zbekiston 24” xabar bermoqda.
Memorandum imzolash marosimida ittifoqning hududiy Ma’naviy-ma’rifiy yo‘nalishi bo‘limi mudirlari, Respublika Ma’naviyat va ma’rifat markazining Toshkent shahri bo‘linmalari rahbarlari, faol yoshlar hamda OAV vakillari ishtirok etdi.
Ushbu memorandum yoshlarda sog‘lom dunyoqarash, kitobxonlik ko‘nikmasini shakllantirish, internet, axborot-kommunikatsiya texnologiyalaridan oqilona foydalanish madaniyatini oshirish, ularda g‘oyaviy va axborot xurujlariga qarshi mafkuraviy immunitetni kuchaytirish maqsadida imzolandi.
Yig‘ilishda O‘zbekiston Yoshlar ittifoqi Markaziy Kengashi raisi Qahramon Quronboyev nutq so‘zladi.
“Daryo” yangiliklarini Facebook’da kuzatib boring