Tramp kuzda Osiyo mamlakatlari bo‘ylab turne uyushtiradi

AQSh prezidenti Donald Tramp kuz oylarida Osiyo mamlakatlari bo‘ylab turne uyushtiradi. Bu haqda “TASS” Oq Uyga asoslanib xabar bermoqda.

“Aytishim mumkinki, prezident shu kuzda Osiyoga boradi”, — dedi agentlikning suhbatdoshi.

“Hozirgi vaqtda bundan ko‘ra batafsilroq axborot taqdim eta olmaymiz”, — qo‘shimcha qildi u.

Tramp birinchi navbatda Sharqiy Osiyo sammiti hamda Filippinda o‘tadigan AQSh – ASЕAN sammitida, shuningdek, Tinch okeani iqtisodiy hamkorligining Vyetnamda o‘tadigan sammitida ishtirok etishi kutilmoqda. Bu tadbirlarning barchasi noyabrga mo‘ljallangan.

“Daryo”ning Telegram’dagi rasmiy kanali — @toshqindaryo’ga a’zo bo‘ling!