Noqonuniy ravishda 20 ming dollarini 165 mln so‘mga sotgan ikki nafar fuqaro qo‘lga olindi (video)

Fuqarolar Sardor G‘aniyev va Eldor Sharipov noqonuniy daromad olish maqsadida chet el valyutasini ayriboshlashni ko‘zlab, fuqaro Babayevaga valyuta mablag‘larini o‘tkazishni taklif qilgan, deb yozmoqda “O‘zbekiston 24”.

Ular har bir AQSh dollarini 8250 so‘mdan hisoblab, jami 20000 AQSh dollarini 165 million. so‘mga noqonuniy ravishda sotgan vaqtida ashyoviy dalillar bilan qo‘lga olingan.

Tezkor tadbir davomida fuqarolar tomonidan noqonuniy ravishda muomalaga kiritilgan 20 ming dolar olingan. Shuningdek, fuqaro G‘aniyevga tegishli avtomobil ko‘zdan kechirilganda, unda noqonuniy muomalaga kiritish uchun mo‘ljallangan 6160 AQSh dollari borligi aniqlangan va ashyoviy dalil sifatida olingan.

“Daryo”ning Telegram’dagi rasmiy kanali — @toshqindaryo’ga a’zo bo‘ling!