Konte APLdan keyin Chempionlar Ligasini zabt etishni boshladi va 6 ta gol farqi bilan zafar quchdi
Yevropa Chempionlar Ligasining murakkab guruhlaridan biri bo‘lgan “C” zonasi ikki xil natija bilan start oldi.
Londonning “Chelsi” klubi o‘z maydonida Ozarbayjonning “Qorabog‘” klubiga imkoniyat qoldirmadi va 6:0 hisobida zafar quchdi. Bosh murabbiy Antonio Konte tarkibni zaxira futbolchilari bilan qorishtirib tuzdi.
“Chelsi” Chempionlar Ligasi chiptasini APL chempioni sifatida qo‘lga kiritgandi. U joy olgan guruhning ikkinchi o‘yini Rimda o‘tib, “Roma” va Madridning “Atletiko” klublari golsiz murosaga rozi bo‘ldi — 0:0.
27-sentabr kuni londonliklar Madridda mehmon bo‘ladi. “Roma” esa Qorabog‘ga tashrif buyuradi.
Yevropa Chempionlar Ligasi
“C” guruhi. 1-tur
12-sentabr, seshanba
Gollar: Pedro, 5 (1:0). Davide Dzappakosta, 30 (2:0). Sesar Aspilikueta, 55 (3:0). Tyemua Bakayoko, 71 (4:0). Mishi Batshuayi, 76 (5:0). Maksim Medvedev, 82-avt (6:0).
“Daryo” yangiliklarini Facebook’da kuzatib boring