Rossiyada 9 kishini otib tashlagan qotilni umrbod qamoqqa mahkum qilishdi

Rossiyaning Tver viloyat sudi to‘qqiz kishini o‘ldirgan 45 yoshli Sergey Yegorovni umrbod qamoqqa mahkum qildi, deb yozadi “Gazeta.ru”.

Bundan tashqari, sud unga qurbonlarning qarindoshlariga 10 million rubldan ortiq pul to‘lash majburiyatini yukladi.

Yegorovning o‘zi avvalroq o‘lim jazosiga qarshilik ko‘rsatmasligini aytgan edi. Tergov qo‘mitasida u psixologlar tomonidan aqli raso deb topilganini ma’lum qilishdi.

Ommaviy qotillik 4-iyun kuni Tver viloyati Konakov tumanidagi Redkino qishlog‘ida yuz berdi. Yegorov ziyofat chog‘ida uning havo-desant qo‘shinlarida xizmat qilganiga ishonmagan mehmonlarni — to‘rt ayol va besh erkakni otib tashladi.

“Daryo”ning YouTube’dagi rasmiy sahifasiga obuna bo‘ling